இந்நிலையில் ஒட்டன்சத்திரம் ரயில்வேல் நிலையத்தில் அமைக்கப்பட்ட பொதுகழிப்பிடம் பணிகள் அனைத்தும் முடிந்தும் பல ஆண்டுகளாகியும் இன்றும் வரை திறக்கப்படாமல் உள்ளது. மேலும் ரயில்நிலையத்தில் வேறு கழிப்பறை வசதிகளும் இல்லாததால் பொதுமக்கள் அங்கிருந்து பேருந்து நிலையம் வந்து, அங்குள்ள பொதுக்கழிப்பறையை பயன்படுத்த வேண்டிய சூழ்நிலை உள்ளது. மேலும் சில பயணிகள் ரயில்நிலையம் வந்ததும் கழிவறையை தேடி அலைமோதுகின்றனர். இதனால் பொதுமக்கள் கடும் சிரமத்திற்கு ஆளாகி வருகின்றனர். மேலும் ரயில் நிலையத்தின் வெளிப்புறத்தில் அமைந்துள்ள பொதுமக்கழிப்பறையை சுற்றி முட்புதர்கள் படர்ந்துள்ளதால் சமூகவிரோதிகள் அதை தங்களுக்கு சாதகமாக பயன்படுத்தியும் வருகின்றனர்.எனவே பொதுமக்கள் மற்றும் பயணிகளின் நலன் கருதி ஒட்டன்சத்திரம் ரயில்நிலையத்தில் அமைந்துள்ள பொதுக்கழிப்பறையை திறந்து பயன்பாட்டிற்கு கொண்டு வரவேண்டுமென பொதுமக்கள் கோரிக்கை விடுத்துள்ளனர்.
