சிஎம்சி வேலூர், டவுன் வளாகத்தில் புதிய கேத் லேப் திறக்கப்பட்டது வேலூர் கிறிஸ்தவ மருத்துவக் கல்லூரியில் உள்ள கார்டியாலஜி துறை 1956 ஆம் ஆண்டு முதல் வேலூர் மக்களுக்கும் நாட்டின் பல பகுதிகளுக்கும் உலகின் பல பகுதிகளுக்கும் சேவைகளை வழங்கி வருகிறது. கேத் சிகிச்சை சேவை 1980 களில் தொடங்கப்பட்டு பல ஆண்டுகளாக பல சிக்கலான மற்றும் அதிநவீன நடைமுறைகளை செயல்படுத்துவதைத் தவிர, வேலூர் மற்றும் அதைச் சுற்றியுள்ள ஆயிரக்கணக்கான மாரடைப்பு நோயாளிகளுக்கு சேவை செய்துள்ளது. சிஎம்சி வேலூரில் உள்ள இன்டர்வென்ஷனல் கார்டியாலஜி பெரும் முன்னேற்றம் கண்டுள்ளது மற்றும் மாரடைப்பு, வால்வுலர் இதய நோய், பெருநாடி சம்பந்தப்பட்ட அன்யூரிசிம்கள், குழந்தை இருதயவியல் மற்றும் இதய படபப்புகள் உள்ள நோயாளிகளுக்கு சேவைகளை வழங்கி வருகிறது.
வேலூரில் உள்ளூர் மக்களின் தேவைகளை பூர்த்தி செய்யும் வகையில், இன்று வேலூர் நகர வளாகத்தில் புதிய அதிநவீன இதய ஆய்வு கூடத்தை ( CATH LAB ) வேலூர் சிஎம்சி இயக்குனர் டாக்டர் விக்ரம் மேத்யூஸ் திறந்து வைத்தார். கூட்டத்தில் அவர் ஆற்றிய உரையில், வேலூர் மக்களுக்கு சேவை செய்வதில் சிஎம்சியின் உறுதிப்பாட்டை மீண்டும் வலியுறுத்தினார். இது முதன்மையாக அவசர இருதய சிகிச்சை தேவைப்படும் வேலூர் டவுன்வளாகத்தில்அனுமதிக்கப்படும் நோயாளிகளுக்கு வழங்கப்படும். இது சிஎம்சி வேலூரில் இருதயவியல் துறையின் கீழ் செயல்படும் ஏழாவது கேத் லேப் ஆகும்
