குறிப்பாக மாணவர்களின் கல்வி நிதியை ஒதுக்க மறுக்கிறது. இவை மத்திய அரசு தமிழ்நாட்டையும் தமிழ் மக்களையும் தொடர்ந்து புறக்கணித்து வருவதை வெளிச்சம் போட்டு காட்டுகிறது. இவை மட்டுமின்றி தற்போது கோவை, மதுரை மெட்ரோ ரயில் திட்டங்களையும் பாஜக அரசு முடக்கியுள்ளது.ஒரு நகரத்தில் மக்கள்தொகை 20 லட்சத்துக்கும் மேலாக இருந்தால்தான் மெட்ரோ ரயில் திட்டம் நிறைவேற்றப்படும் என மத்திய அரசு கூறி இருப்பது பொய்யான வாதம். இதனை தமிழ்நாட்டு மக்கள் ஏற்கமாட்டோம். மெட்ரோ திட்டத்தை எப்படியாவது நிறைவேற்றுவதற்கான போராட்டத்தில் ஈடுபடுவோம்.காவல்துறை கூறும் காரணம் என்ன?மத்தியில் ஆளும் பாஜக அரசு தொடர்ந்து திமுக உள்ளிட்ட எதிர்க்கட்சிகள் ஆளும் மாநிலங்களை மாற்றான் தாய் மனப்போக்குடன் அணுகுவதை ஒருபோதும் அனுமதிக்க முடியாது. இந்த ஆர்ப்பாட்டத்துக்கு உடனடியாக மத்திய அரசு செவி சாய்த்து மதுரை மற்றும் கோவை மெட்ரோ ரயில் திட்டங்களை உடனடியாக நிறைவேற்ற முன்வர வேண்டும் என்றார்.மதுரை மாநகர் மெட்ரோ ரயில் திட்டத்திற்காக 11,368 கோடி ரூபாய் மதிப்பிலான விரிவான திட்ட அறிக்கையை தமிழ்நாடு அரசு மத்திய அரசுக்கு அனுப்பி வைத்திருந்தது.ஆனால். 2017ஆம் ஆண்டின் மெட்ரோ ரயில் கொள்கை அடிப்படையில் 20 லட்சத்துக்கும் அதிகமான மக்கள்தொகை கொண்ட நகரங்களில் தான் இந்த திட்டத்தை செயல்படுத்த முடியும். கடந்த 2011ஆம் ஆண்டு மக்கள்தொகையின் அடிப்படையில் மதுரை மாநகராட்சிக்கு உட்பட்ட பகுதிகளின் மொத்தம் மக்கள்தொகை 15.8 லட்சம் தான் எனக் கூறி, மத்திய அரசு இந்தத் திட்டத்தை நிராகரித்துள்ளது.
