வேலூர் மாவட்டம், குடியாத்தம் ஆஸ்திக சமாஜத்தில் Mr. தமிழ்நாடு அமெச்சூர் ஆணழகன் & ஃபிட்னஸ் சங்கம் சார்பில் ஆணழகன் போட்டி நடைபெற்றது. இந்த ஆணழகன் போட்டிக்கு சிறப்பு அழைப்பாளர்களாக முன்னாள் அரசு வழக்கறிஞர் கே.எம். பூபதி, தமிழ் மாநில காங்கிரஸ் அருணோதயம், ரோட்டரி கிளப் குமரகுரு, புத்தர் சமூக கல்வி அறக்கட்டளை தலைவர் இராசி. தலித் குமார் ஆகியோர் கலந்து கொண்டு குத்து விளக்கு ஏற்றி வைத்து வெற்றி பெற்ற வீரர்களுக்கு பரிசுகள் வழங்கினர். இவர்களுடன் அமெச்சூர் ஆணழகன் போட்டி மாவட்ட தலைவர் அழகு. ரஜினிகாந்த் மற்றும் தினகரன், சரத்குமார், ராஜ்குமார் மற்றும் பலர் கலந்து கொண்டனர் .இந்த நிகழ்ச்சியை ஏராளமான பொதுமக்கள் கண்டு களித்தனர். நிகழ்ச்சியை அழகு ஃபிட்னஸ் குழுவினர் சிறப்பாக ஏற்பாடு செய்திருந்தனர்.
