கோவை:கொங்கு மண்டலத்தில் முதன் முறையாக தி ஐ பவுண்டேசன் மருத்துவமனையில் உலகின் அதிநவீன கண் சிகிச்சைக்கான ஸ்மைல் புரோ தொழில்நுட்பம் அறிமுகம்!!!

தி ஐ ஃபவுண்டேஷன் - இந்தியாவில் ஒளிவிலகல் அறுவை சிகிச்சையில் ஒரு முன்னோடி. அடுத்த தலைமுறை லேசர் கண் பார்வை திருத்தம் – “ SMILE PRO “ - ஐ அறிமுகப்படுத்தி உள்ளது. தி ஐ ஃபவுண்டேஷன் நிர்வாக இயக்குனர் டாக்டர் ஷ்ரேயாஸ் ராமமூர்த்தி நேரடியாக ஒருவருக்கு அறுவை சிகிச்சையை மேற்கொண்டு விளக்கினார்.இதன் அறிமுகம் குறித்து தி ஐ ஃபவுண்டேஷன் மருத்துவமனையின் தலைவர் டாக்டர். டி. ராமமூர்த்தி, தி ஐ ஃபவுண்டேஷன், மருத்துவ இயக்குநர் டாக்டர். சித்ரா ராமமூர்த்தி, தி ஐ ஃபவுண்டேஷன் நிர்வாக இயக்குனர் டாக்டர் ஷ்ரேயாஸ் ராமமூர்த்தி ஆகியோர் செய்தியாளர்களை சந்தித்தனர். அப்போது பேசிய அவர்கள்,உலகளாவிய ஒளியியல் தொழில்நுட்பத்தில் சிறந்தது விளங்கும் ZEISS நிறுவனத்தில் உருவாக்கப்பட்ட SMILE PRO , மயோபியா (கிட்டப்பார்வை) மற்றும் ஆஸ்டிஜிமாடிசத்தை சரிசெய்வதற்கான குறைந்தபட்ச ஊடுருவும் ஒளிவிலகல் அறுவை சிகிச்சையில் ஒரு திருப்புமுனையைக் குறிக்கிறது. ZEISS இன் சமீபத்திய VISUMAX® 800 ஃபெம்டோசெகண்ட் லேசரால் இயக்கப்படும் SMILE PRO, பார்வை திருத்தத்தில் நோயாளியின் அனுபவத்தை மேம்படுத்த செய்யும் வேகமான, துல்லியமான மற்றும் மிகவும் சௌகரியமான சிகிச்சையை வழங்குகிறது என்றனர். தி ஐ ஃபவுண்டேஷனில் “ ஸ்மைல் ப்ரோ"வின் முக்கிய அம்சங்களாக

குறைந்தபட்ச ஊடுருவும் தொழில்நுட்பம், ஒப்பிடமுடியாத வேகம், AI- உதவியின் துல்லியம், சௌகரியம் மற்றும் பாதுகாப்பு, விரைவான மீட்பு, ஆகியவை உள்ளதாக குறிப்பிட்டனர்.இந்நிகழ்ச்சியில் மருத்துவமனையின் அறுவை சிகிச்சை நிபுணர்கள் மருத்துவர்கள் கலந்துகொண்டனர்.