இந்திய அரசு புதிய தொழில் முயற்சி திட்டத்தின் முன்முயற்சியை இந்தியா தொடங்கி, நாட்டில் புதுமை மற்றும் தொழில்முனைவோர் வளர்ச்சியை ஊக்குவித்து வருகிறது. இந்த முயற்சி 2016 ஜனவரி 16-ஆம் தேதி தொடங்கப்பட்டது. அதிகாரப்பூர்வ தரவுகளின்படி, 2024 டிசம்பர் நிலவரப்படி இந்தியாவில் 1.2 லட்சத்துக்கும் மேற்பட்ட ஸ்டார்ட்-அப்புகள் அங்கீகரிக்கப்பட்டுள்ளன. இந்த ஸ்டார்ட்-அப்புகள் தொழில்நுட்பம், சுகாதாரம், கல்வி, நிதி மற்றும் வேளாண்மை போன்ற பல துறைகளில் பரவியுள்ளன. இவை பொருளாதார வளர்ச்சிக்கு குறிப்பிடத்தக்க பங்களிப்பை வழங்கி, கோடிக்கணக்கான வேலைவாய்ப்புகளை உருவாக்கியுள்ளன.இந்தியாவில் யூனிகார்ன் (Unicorn) நிறுவனங்களின் எண்ணிக்கையும் தொடர்ந்து அதிகரித்து வருகிறது. 2024 நிலவரப்படி, இந்தியாவில் 100-க்கும் மேற்பட்ட யூனிகார்ன் நிறுவனங்கள் உள்ளன. உலகளவில் அதிக யூனிகார்ன் நிறுவனங்கள் கொண்ட நாடுகளில் இந்தியா மூன்றாவது இடத்தைப் பிடித்துள்ளது. இந்நிறுவனங்கள் முதலீட்டாளர்களின் நம்பிக்கையையும், இந்திய ஸ்டார்ட்-அப் சூழலின் வலிமையையும் வெளிப்படுத்துகின்றன.ஸ்டார்ட்-அப் இந்தியா முயற்சியின் கீழ், அரசு வரிச்சலுகைகள், நிதியுதவி, ஒழுங்குமுறை ஆதரவு மற்றும் வணிகம் செய்யும் நடைமுறைகளை எளிதாக்குதல் போன்ற பல ஆதரவுகளை வழங்கியுள்ளது. ‘மேக் இன் இந்தியா’, ‘டிஜிட்டல் இந்தியா’, ‘ஆத்மநிர்பர் பாரத்’ போன்ற திட்டங்களும் ஸ்டார்ட்-அப்புகளுக்கு வலுவான அடித்தளமாக செயல்பட்டுள்ளன.
மேலும், மத்திய அரசு Startup India Seed Fund Scheme (SISFS), Fund of Funds for Startups (FFS) போன்ற திட்டங்களின் மூலம் நிதி ஆதரவை வழங்கி வருகிறது. இந்தியா புதுமை மற்றும் தொழில்முனைவோர் வளர்ச்சிக்கான உலகளாவிய மையமாக உருவெடுத்து வருகிறது.சீட் ஃபண்ட் திட்டம்’ (SISFS) என்பது ஸ்டார்ட்-அப்புகளின் ஆரம்ப கட்ட தேவைகளுக்கு ஆதரவாக ரூ.945 கோடி மதிப்பில் செயல்படுத்தப்படும் திட்டமாகும். அதேபோல், ‘மாநிலங்களின் ஸ்டார்ட்-அப் தரவரிசை கட்டமைப்பு’, மாநிலங்கள் மற்றும் ஒன்றியப் பிரதேசங்கள் ஸ்டார்ட்-அப் நட்பு கொள்கைகளை உருவாக்குதல், அவற்றுக்கிடையிலான போட்டித் தன்மையை ஊக்குவித்தல் போன்ற முயற்சிகள் இந்தியாவை வணிகத்திற்கு உகந்த நாடாக மாற்றியுள்ளன. இதன் விளைவாக, வணிகம் செய்வதற்கான எளிமை குறியீட்டில் (Ease of Doing Business Index) இந்தியா 2014-ல் 142-வது இடத்தில் இருந்தது, 2025-ல் 63-வது இடத்திற்கு முன்னேறியுள்ளது.கடந்த பத்தாண்டுகளில் மத்திய அரசு மேற்கொண்ட தைரியமான மற்றும் தொலைநோக்கு நடவடிக்கைகள், இந்தியாவில் வேகமாக வளர்ந்து வரும், நிலைத்தன்மையுடைய ஸ்டார்ட்-அப் சூழலை உருவாக்கியுள்ளது. மக்கள்தொகை பலன், விரிவான டிஜிட்டல் பொது உட்கட்டமைப்பு, தொடர்ச்சியான சீர்திருத்தங்கள் ஆகியவற்றின் ஆதரவுடன், புதுமை மற்றும் வேலைவாய்ப்பு உருவாக்கம் நோக்கி ஸ்டார்ட்-அப்புகள் ஊக்கமளிக்கப்பட்டுள்ளன.கடந்த பத்து ஆண்டுகளில், இந்தியாவின் ஸ்டார்ட்-அப் சூழல் அபாரமான வளர்ச்சியை கண்டுள்ளது; இதன் மூலம் உலகில் மூன்றாவது பெரிய ஸ்டார்ட்-அப் சூழலாக இந்தியா உருவெடுத்துள்ளது. ஸ்டார்ட்-அப் இந்தியா, SISFS, CGSS, FFS, மேலும் AIM போன்ற துறைசார்ந்த திட்டங்கள் மூலம், மத்திய அரசு புதுமையை ஊக்குவிப்பதில், வேலைவாய்ப்புகளை உருவாக்குவதில், தொழில்முனைவோர்களுக்கு ஆதரவளிப்பதில் முக்கிய பங்காற்றியுள்ளது. பங்குதாரர்களுக்கிடையிலான இந்த செயல்திறன் மிக்க ஒத்துழைப்பு, சூழலை வலுப்படுத்தி, பொருளாதார வளர்ச்சியை முன்னெடுத்து, அடுத்த தலைமுறை புதுமையாளர்களை அதிகாரமளித்துள்ளது.எதிர்காலத்தை நோக்கி, இந்தியாவின் ஸ்டார்ட்-அப் தளம் இன்னும் உயர்ந்த நிலைகளை எட்டவுள்ளது. ‘ஸ்டார்ட்-அப் இந்தியா’ முயற்சி, 2030க்குள் உலகின் மூன்றாவது பெரிய, 7.3 டிரில்லியன் டாலர் பொருளாதாரமாக இந்தியா மாறும் இலக்கையும், 2047க்குள் ‘விக்சித் பாரத்’ என்ற கனவையும் நோக்கி நாட்டை முன்னெடுத்து வருகிறது.
