കൊച്ചി: ചട്ടം ലഘിച്ച് ഇടുക്കിയില്‍ നിര്‍മ്മിക്കുന്ന സിപിഎം ഓഫീസുകളുടെ നിര്‍മ്മാണം ഇന്ന് തന്നെ നിര്‍ത്തിവെക്കാന്‍ ഹൈക്കോടതി ഉത്തരവ്. ശാന്തന്‍പാറ, ബൈസണ്‍വാലി എന്നിവിടങ്ങളിലെ ബഹുനില കെട്ടിടങ്ങളുടെ നിര്‍മ്മണത്തിനാണ് ഡിവിഷന്‍ ബഞ്ച് തടയിട്ടത്.ഉത്തരവ് നടപ്പാക്കാന്‍ ഇടുക്കി ജില്ലാ കളക്ടര്‍ക്ക് ആവശ്യമെങ്കില്‍ പോലീസ് സംരക്ഷണം നല്‍കണമെന്നും കോടതി വ്യക്തമാക്കി
ദേവികുളം ഉടുമ്പന്‍ചോല താലൂക്കുകളിലെ 7 വില്ലേജുകളില്‍ എന്‍.ഒസി ഇല്ലാതെ വീടുപോലും നിര്‍മ്മിക്കാന്‍ അനുവാദമില്ല,ചട്ടം ഇതായിരിക്കെയാണ് ശാന്തന്‍പാറയിലും, ബൈസണ്‍വാലിയിലും സിപിഎം ഏരിയാ കമ്മിറ്റിക്കായി ബഹുനില കെട്ടിടങ്ങള്‍ പണിയുന്നത്. ശാന്തന്‍പാറയില്‍ ഏറിയാ കമ്മിറ്റി ഓഫീസ് നിര്‍മ്മാണം നിര്‍ത്തിവെക്കാന്‍ 2022 നവംബര്‍ 25 ശാന്തന്‍പാറ വില്ലേജ് സെക്രട്ടറി കത്ത് നല്‍കി. എന്നാല്‍ ഇത് അവഗണിച്ച് മൂന്ന് നില കെട്ടിടം പണം അവസാന ഘട്ടത്തിലാണ്. ബൈസണ്‍വാലിയില്‍ നിര്‍മ്മാണം ഏതാണ്ട് പൂര്‍ത്തിയായി. രണ്ടിടത്തെയും ചട്ട ലംഘനം ചൂണ്ടിക്കാട്ടി സ്റ്റോപ് മെമ്മോ നല്‍കിയെങ്കിലും റിപ്പോര്‍ട്ടില്‍ തുടര്‍ നടപടിയൊന്നും ഉണ്ടായില്ല.
അറ്‌ലൃശേലൊലിേ
ചട്ടലംഘനം ചൂണ്ടിക്കാ ട്ടിയുള്ള മാധ്യമ റിപ്പോര്‍ട്ട് ശ്രദ്ധയില്‍പെട്ടതോടെയാണ് ഹൈക്കോടതി ഡിവിഷന്‍ ബഞ്ച് നിര്‍മ്മാണ പ്രവര്‍ത്തനം അടിയന്തരമായി നിര്‍ത്തിവെപ്പിക്കാന്‍ ജില്ലാ കളക്ടറോട് ആവശ്യപ്പെട്ടത്. ഇതിനായി പോലീസ് സംരക്ഷണം വേണമെങ്കില്‍ തേടാമെന്നും ആവശ്യമായ സുരക്ഷ ഒരുക്കാന്‍ പോലീസ് മേധാവിക്കും ജസ്റ്റിസുമാരായ മുഹമ്മദ് മുഷ്താഖ്, സോഫി തോമസ് എന്നിവരടങ്ങിയ ഡിവിന്‍ ബഞ്ച് നിര്‍ദ്ദേശിച്ചു. നിര്‍മ്മാണ പ്രവര്‍ത്തനങ്ങള്‍ പൂര്‍ത്തിയായെങ്കില്‍ അത്തരം കെട്ടിടത്തിന് കെട്ടിട നമ്പറോ, കൈവശാവകാശ രേഖയോ നല്‍കരുതെന്നും കോടതി നിര്‍ദ്ദേശിച്ചിട്ടുണ്ട്. മൂന്നാര്‍ കേസുകള്‍ അടുത്ത മാസം 5ന് കോടതി വീണ്ടും പരിഗണിക്കും.
ചട്ടം ലഘിച്ച് ഇടുക്കിയില്‍ നിര്‍മ്മിക്കുന്ന സിപിഎം ഓഫീസുകളുടെ നിര്‍മ്മാണം നിര്‍ത്തിവെക്കാന്‍ ഹൈക്കോടതി ഉത്തരവ്.
August 22, 2023
0
