கம்பம் வடக்கு காவல் துறையினர் குருநாதன் வீட்டில் சோதனை செய்தபோது வனவிலங்கின் நகம் பதுக்கி வைக்கப்பட்டிருந்தது தெரிய வந்தது. இதையடுத்து வனத்துறையினருக்கு தகவல் அளிக்கப்பட்டு வீட்டிலிருந்த நகங்களை கைப்பற்றிய வனத் துறையினர், அதனை சோதனை செய்ததில் சிறுத்தையின் நகமாக இருக்கலாம் என்று அனுமானித்தனர்.இதையடுத்து, வீட்டில் நாட்டு வெடிகுண்டு தயாரித்ததாக குருநாதன் மீது கம்பம் வடக்கு காவல்துறையினர் வழக்குப்பதிவு செய்துள்ளனர். மேலும் வனவிலங்கின் நகங்களை வீட்டில் பதுக்கி வைத்திருந்ததற்காக வனத்துறை சார்பிலும் வழக்குப்பதிவு செய்யப்பட்டுள்ளது.இதற்கிடையே, கம்பம் அரசு மருத்துவமனையில் சிகிச்சை பெற்று வந்த குருநாதன் மற்றும் அவரது பேரன்கள் மேல்சிகிச்சைக்காக தேனி அரசு மருத்துவக்கல்லூரிமருத்துவமனைக்கு அனுப்பி வைக்கப்பட்டனர். இவர்களில், ஆபத்தான நிலையில் இருந்த குருநாதன் மேல்சிகிச்சைக்காக மதுரை அரசு ராஜாஜி மருத்துவமனைக்கு அனுப்பி வைக்கப்பட்டு இருந்தார். ஆனால் சிகிச்சை பலனின்றி நேற்று அவர் உயிரிழந்தார்.அதேசமயம், வீட்டில் நாட்டு வெடிகுண்டு தயாரித்து வெடிவிபத்து ஏற்பட்டதையும், வனவிலங்கின் நகங்கள் பதுக்கி வைக்கப்பட்டு பறிமுதல் செய்யப்பட்டதையும் பார்க்கும்போது வனவிலங்குகளைவேட்டையாடுவதற்கு நாட்டு வெடிகுண்டு தயாரிக்கப்பட்டிருக்கலாம் என்ற முடிவுக்கு வந்துள்ளனர். இதையடுத்து வனத்துறையினரும், போலீசாரும் இதுதொடர்பாக மேலும் விசாரணையை முடுக்கிவிட்டுள்ளனர்.
