அவரிடம் அடுத்தகட்ட நடவடிக்கை குறித்து கேட்டதற்கு, “ஏற்கனவே சொன்னதைப் போலவே என் பணி தொடரும்” என்றார். நேற்றைய (செப்.5) பேட்டியில் தனக்கு ஆதரவாளர்கள் நிறைய இருப்பதாகவும், மூத்த அமைச்சர்கள் ஒன்றிணைந்து செயல்படுவதாகவும் கூறியும், யாரும் நேரில் வந்து சந்திக்காதது குறித்து கேட்ட போது, அவர்கள் தன்னை தொலைபேசியில் தொடர்பு கொண்டு பேசினார்கள் என்றார்.6 பேர் கொண்ட குழு தன்னை சந்திக்கவில்லை என இபிஎஸ் கூறியது குறித்த கேள்வி எழுப்பியதற்கு, இதுகுறித்து ஏறத்தாழ 8 மாதத்திற்கு முன்பே தெளிவுபடுத்தியிருப்பதாககூறினார்.யார் தான் கருத்தை முன் வைப்பது? கட்சி பொறுப்புகளிலிருந்து நீக்கியது குறித்து கேட்டதற்கு, இதை தான் எதிர்பார்க்கவில்லை என்றும், இதற்கு பின்னால் யார் இருக்கிறார்கள் என்பது குறித்து இப்போது பேச முடியாது என்றும் தெரிவித்தார். காலக்கெடு வைத்தது குறித்து கேட்டதற்கு, 10 நாட்களுக்குள் இந்த பணியை தொடங்க வேண்டும் என்றும், ஒரு மாத காலம் ஆனாலும் பேசி தீர்க்க வேண்டும் என்று தான் கூறியதாகவும் அவர் தெளிவுபடுத்தினார்.மேலும் பேசிய செங்கோட்டையன், “யார் தான் இந்த கருத்தை முன் வைப்பது? தொண்டர்களும் பொதுமக்களும் அதிமுக வெற்றி பெற்று ஆட்சியமைக்க வேண்டுமென்று நினைக்கிறார்கள். கட்சியில் இருந்து நீக்கப்பட்டவர்களும் அவர்களை கட்சியில் இணைக்குமாறு பேசியிருக்கிறார்கள். ஆனால் அது எதற்குமே எந்த நடவடிக்கையும் இல்லை என்ற பட்சத்தில் தான், என் போன்று எம்.ஜி.ஆரால் இயக்கத்தில் இணைக்கப்பட்டவர்கள் இந்த கருத்தை வெளிப்படுத்துவது நல்லது என்று தெரிவித்தேன்”என்றார்.உங்களுடைய கருத்துக்கு டி.டி.வி. தினகரன், சசிகலா வரவேற்பு கொடுத்தது குறித்து கேட்டதற்கு, “அவர்கள் மட்டுமல்ல, நயினார் நாகேந்திரன், ஹெச். ராஜா, பிரேமலதா என நிறைய பேர் கருத்து தெரிவித்தனர். அவர்களுடைய கருத்துகள் நியாயமானவை” என்று பதிலளித்தார்.இதனிடையே, செங்கோட்டையனைபொறுப்பிலிருந்து நீக்கிய கையோடு, ஈரோடு புறநகர் மேற்கு மாவட்ட செயலாளராக எம்.எல்.ஏ ஏ.கே செல்வராஜை நியமனம் செய்துள்ளார் எடப்பாடி பழனிசாமி.
