அப்போது ஆத்திரத்தில் இருந்த அந்த கும்பல் பேரூராட்சி அலுவலக கண்ணாடி கதவுகள் அடித்து நொறுக்கியதோடு, இருக்கைகளையும் சேதப்படுத்தினர். மொத்தம் 3 பெட்ரோல் குண்டுகள் வீசப்பட்டதில் 2 மட்டுமே வெடித்தன. வெடிக்காத மற்றொரு பெட்ரோல் குண்டை போலீசார் கைப்பற்றியுள்ளனர். இதனையடுத்து அந்த கும்பல் உடனடியாக வந்த காரில் தப்பி ஓடி விட்டது.பேரூராட்சி அலுவலகத்தின் மீது பெட்ரோல் குண்டு வீசப்பட்டதால் ம.க.ஸ்டாலினின் ஆதரவாளரான அருண்குமார் படுகாயம் அடைந்தார். மேலும், அந்த கும்பல் அரிவாளால் வெட்டியதில் இளையராஜா என்பவர் காயம் அடைந்தார். உடனடியாக அவர்கள் இருவரும்ஆடுதுறையில்உள்ளதனியார்மருத்துவமனைக்குகொண்டுசெல்லப்பட்டுதீவிரசிகிச்சைஅளிக்கப்பட்டு வருகிறது.இந்த சம்பவம் தொடர்பாக, திருவிடைமருதூர் டிஎஸ்பி ராஜீ மற்றும் திருவிடைமருதூர் காவல் ஆய்வாளர் ராஜா ஆகியோர் சம்பவ இடத்திற்கு விரைந்து வந்து, வழக்குப்பதிவு செய்து தப்பியோடிய குற்றவாளிகளை தேடி வருகின்றனர்.மேலும், இது குறித்து கேள்விபட்டவுடன் ஆடுதுறை பேரூராட்சி அலுவலகம் முன் குவிந்த பாமக நிர்வாகிகள் மற்றும் தொண்டர்கள் திடீர் சாலை மறியல் போராட்டத்தில் ஈடுபட்டனர். இதனால் அந்த பகுதியில் சிறிது நேரம் பரபரப்பு நிலவியது.இதனிடையே, ஆடுதுறை பேரூராட்சி அலுவலகம் அமைந்துள்ள பகுதியில் உள்ள கண்காணிப்பு கேமரா பதிவில், கார் ஒன்றில் சிலர் வந்து அலுவலகம் முன்பு இறங்குவதும், பின்னர் தாக்குதல் நடத்திய பிறகு அதே காரில் தப்பியோடும் காட்சிகளும் பதிவாகியுள்ளன. இதனை வைத்து குற்றவாளிகளை காவல்துறையினர் தேடி வருகின்றனர்.
