இந்தியா மற்றும் பூடான் இடையிலான உறவுகளை வலுப்படுத்துதல், அண்டை நாட்டு உறவுகள், கொள்கையின் முதல் பகுதியாகும்.
இந்தியாவின் கலாச்சாரம் மற்றும் நாகரீகம் ஆகியவற்றிற்கு, சுதந்திரத்திற்குப் பிந்தைய இந்திய வெளியுறவுக் கொள்கையில் முக்கியத்துவம் கொடுத்த அண்டை நாடுகளுக்கு முதலில் இடமளிக்கிறது.
பிராந்திய இணைப்பு மற்றும் பிற துறைகளின் புதிய வழிகள் குறித்த சமீபத்திய இந்தியா-பூடான் விவாதங்கள் அதன் நீண்டகால விவாதத்தின் உயிர் மற்றும் சாரம்சத்தை நிரூபிக்கின்றன.
நவம்பர் ஆறாம் தேதியன்று இந்தியப் பிரதமர் மற்றும் பூட்டானின் ஐந்தாவது மன்னர் ஜிக்மே கேசர் நாம்கேல் வாங்சுக் ஆகியோருக்கு இடையேயான பேச்சுவார்த்தைகள், இரு நாடுகளுக்குமான உள்கட்டமைப்பு மற்றும் சாலை இணைப்பில் கவனம் செலுத்துவது, பிராந்திய வளர்ச்சி மற்றும் பாதுகாப்பைப் பெருக்குவதற்கான
ஒரு முக்கியமான படியாகவே கருதப்படுகிறது.
இந்தியாவால் கட்டப்படவுள்ள அசாம் மற்றும் பூட்டானை இணைக்கும் கோக்ரஜார் - கெலேபு குறுக்கு எல்லை ரயில் இணைப்பு (58 கிமீ) மற்றும் சாம்ட்சே, பூட்டான் மற்றும் பனார்ஹட் தேயிலை தோட்டங்களை (மேற்கு வங்காளத்தின் ஒரு பகுதி) இணைக்கும் இரண்டாவது ரயில் இணைப்பு (18 கிமீ) ஆகியவற்றிற்கான ஆய்வுகளை முடிக்க கூட்டு அறிக்கை வழி வகுத்ததுள்ளது. என்பது பாரம்பரியத்தை வழிப்படுத்தும்(வலுப்படுத்தும்)என்றே கூறலாம்.
பூட்டானின் வர்த்தக பொருட்களை மேற்கு வங்காளத்தின் ஹல்டிபார் வழியாக வங்காளதேசத்தின் சிலஹாட்டிக்கு கொண்டு செல்ல இந்தியாவும் அனுமதித்தது, குறிப்பிடத்தக்கது.
எதிர்காலத்தில் எல்லை தாண்டிய ரயில் இணைப்பு, வடகிழக்கில் உள்ள இந்திய நாட்டினருக்கான விமான இணைப்பை மேம்படுத்தும், ஏனெனில் பூட்டான் அரசு அதன் பெரிய சர்பாங் SEZ இன் ஒரு பகுதியாக கெலேபுவில் அதன் 13-வது ஐந்தாண்டுத் திட்டத்தில் நிதி ஒதுக்கீடு செய்வதன் மூலம் ஒரு சர்வதேச விமான நிலையத்தை உருவாக்க திட்டமிட்டுள்ளது,
பூட்டான் புவியியல் ரீதியாக, சிக்கிம், மேற்கு வங்காளம், அசாம் மற்றும் அருணாச்சலப் பிரதேசம் போன்ற நான்கு இந்திய மாநிலங்களுடன் 699 கிமீ திறந்த எல்லையை பகிர்ந்து கொள்கிறது.
இது இந்தியாவிற்கும் பூட்டானுக்கும் இடையில் செழிப்பான மற்றும் காலத்தால் சோதிக்கப்பட்ட நட்புறவை உறுதிப்படுத்த 1949-ல் நட்பு ஒப்பந்தத்தில் கையெழுத்திட்டது. அதன் மூலம், 1968-ல் இராஜதந்திர உறவுகளை இரு நாடுகளும் மேம்படுத்தியது. மேலும், 1972- -ல் முதல் வர்த்தக மற்றும் போக்குவரத்து ஒப்பந்தம் கையொப்பமிடப்பட்டது.
அதைத் தொடர்ந்து 2007 மற்றும் 2017ம் ஆண்டில் திருத்தப்பட்ட நட்பு ஒப்பந்தமும் கையொப்பமிடப்பட்டது. இந்தியாவும் பூடானும் 50ற்க்கும் மேலாக முறையான உறுதியான இராஜதந்திர உறவுகளைக் கொண்டாடி வருகின்றனர். மற்றும் நீண்டகால நம்பகமான பங்காளியாகவும் விளங்குகின்றனர்.
இரு நாடுகளுக்கும் இடையிலான ஒத்துழைப்பின் மூலம் பல்வேறு அம்சங்களில் முக்கியமாக நீர் சக்தி, இருதரப்பு வர்த்தகம் மற்றும் முதலீடுகள் ஆகியவை தொடர்ந்து நடைபெறுகிறது. இந்தியா, பூட்டானின் மிகப்பெரிய வர்த்தக பங்காளியாகும்.
அதேசமயம், பௌத்தத்தின் மூலம் இரு நாட்டு மக்களுக்கும் இடையே கலாச்சார உறவுகளின் பரிமாற்றங்களை மேன்மேலும் மேம்படுத்துகிறது. இந்திய இராணுவம் பாதுகாப்பு முன்னணியில், ராயல் பூட்டான் இராணுவத்திற்கு பயிற்சி அளிக்கிறது. மற்றும் இந்திய விமானப்படையின் கிழக்கு விமானப்படை, பூட்டானுக்கு விமான பாதுகாப்பை வழங்குகிறது.
மேலும், இந்திய எல்லை சாலைகள் அமைப்பு (BRO) திட்டத்தின் கீழ் பூட்டானில் பெரும்பாலான சாலைகளை அமைத்துள்ளது.
மேலும், பூட்டானின் நீர் மின் வளங்கள், அதன் எல்லையில் உள்ள மாநிலங்களில் எரிசக்தி தேவைகளைப் பூர்த்தி செய்ய இந்தியாவிற்கு ஆற்றலை வழங்குகிறது. கூடுதலாக, இந்தியாவும் பூட்டானும், இமயமலை சுற்றுச்சூழல் அமைப்பைப் பகிர்ந்து கொள்கின்றன.
மேலும் இரு நாடுகளும் சுற்றுச்சூழல் பாதுகாப்பு, காலநிலை மாற்றத்தைத் தணித்தல் மற்றும் பேரிடர் மேலாண்மை முயற்சிகளில் திறம்பட ஒத்துழைக்க முடிவு செய்யப்பட்டுள்ளது. முக்கியமாக, பிம்ஸ்டெக் மற்றும் சார்க் கூட்டமைப்பு ஆகியவற்றிற்குள் பிராந்திய ஒருங்கிணைப்பு மற்றும் ஒத்துழைப்பை இந்தியா - பூடான் உறவு பலப்படுத்துகிறது.
தடுப்பூசி மைத்ரி முன்முயற்சியின் ஒரு பகுதியாக, கோவிட்-19 தொற்று நோய்களின் போது பூடானுக்கு 5.5 லட்சம் டோஸ் கோவிஷீல்டு தடுப்பூசிகளை இந்தியா வழங்கியது.
மேலும், பூடான் பிராந்தியத்தில் 2017-ல் டோக்லாமில் சீனாவின் எல்லை பாதுகாப்பு அச்சுறுத்தல்களை எதிர்கொண்டபோது, பூடானுக்கு இந்தியா உதவியது, இதன் மூலம் இந்தியா தன் மொத்த வலிமையையும் பூடானுக்காக வெளிப்படுத்தியது.
இந்திய-பூடான் உறவுகளின் மூலம் இணைப்பு பாதை, வியாபாரசந்தைகள் மற்றும் எரிசக்தி இணைப்புகளை உருவாக்க அண்டை நாடான
இந்தியாவுடன் கைகோர்ப்பது என்பது பூடானுக்கு மிகவும் நிலையான ஒரு வழியாக அமையும் என்று வல்லுனர்கள் கருதுகின்றனர்.
