திமுக தலைவரும், தமிழ்நாடு முதலமைச்சருமான மு. க. ஸ்டாலின் ஆணைக்கிணங்க, வேலூர் மாவட்டம், அணைக்கட்டு சட்டமன்ற தொகுதி, கணியம்பாடி தெற்கு ஒன்றியம், பென்னாத்தூர் பேரூராட்சி பகுதியில் உள்ள அரசு மேல்நிலைப் பள்ளியில் நலம் காக்கும் ஸ்டாலின் திட்ட மருத்துவ முகாம்' நடைபெற்றது. இதில் சிறப்பு அழைப்பாளராக திமுக வேலூர் மாவட்ட செயலாளரும், அணைக்கட்டு தொகுதி எம்எல்ஏவுமான ஏ.பி.நந்தகுமார் கலந்து கொண்டு நலம் காக்கும் ஸ்டாலின் திட்டத்தை தொடங்கி வைத்து நேரில் சென்று பார்வையிட்டு ஆய்வு செய்து மருத்துவ பயனாளிகளுக்கு நலத்திட்ட உதவிகள் வழங்கினார். இதில் மாவட்ட ஊராட்சி குழு பெருந்தலைவர் மு.பாபு,தெற்கு ஒன்றிய செயலாளர் என்.கஜேந்திரன், பேரூராட்சி செயலாளர் பி.அருள்நாதன், பேரூராட்சி தலைவர் பவானி சசிகுமார், அடுக்கம்பாறை மருத்துவக் கல்லூரி இயக்குனர்,மருத்துவ அலுவலர் மற்றும் டாக்டர்கள், செவிலியர்கள், பல்வேறு அரசு துறை அதிகாரிகள், உள்ளாட்சி பிரதிநிதிகள், திமுக நிர்வாகிகள், திமுக தோழர்கள்,பொதுமக்கள் கலந்து கொண்டனர்.
