இதனையடுத்து தீயணைப்புத் துறையினருக்கு தகவல் அளிக்கப்பட்ட நிலையில், சம்பவ இடத்திற்கு விரைந்து வந்த தல்லாகுளம் தீயணைப்புத் துறையினர் மூன்று மணி நேரத்திற்கு மேலாக போராடி தீயை அணைத்து கட்டுக்குள் கொண்டு வந்தனர்.குடோனிலிருந்து தீயை அணைக்கும் போது ஒரு பகுதியில் இருந்து மற்றொரு பகுதிக்கு தீயானது பரவ தொடங்கிய நிலையில், அருகில் உள்ள குடியிருப்புகளுக்குள் தீ பரவி விடக்கூடாது என்பதற்காக கூடுதலான தீயணைப்பு வாகனங்கள் வரவழைக்கப்பட்டுதீயைஅணைத்தனர்.இந்த தீ விபத்தால் அங்கு அடுக்கி வைக்கப்பட்டிருந்த 20 லட்சம் மதிப்பிலான பழைய பிளாஸ்டிக் பொருட்கள், இரும்பு பொருட்கள் மற்றும் பேப்பர் முழுவதுமாக எரிந்து சேதமடைந்தது. இந்த தீ விபத்து குறித்து கூடல்புதூர்காவல்துறையினர் வழக்குப்பதிவு செய்து விசாரணை நடத்தி வருகின்றனர்.பட்டாசு வெடித்த போது தீப்பொறி குடோனில் விழுந்து தீ விபத்து ஏற்பட்டதா? அல்லது மின்கசிவால் தீ விபத்து ஏற்பட்டதா? என்பது குறித்து காவல்துறையினர் விசாரணை நடத்தி வருகின்றனர். மதுரையில் தீபாவளி நாளில் திடீரென குடோனில் தீ விபத்து ஏற்பட்ட சம்பவம் பரபரப்பை ஏற்படுத்தியது.
